" أكطاع " بين محمد بن محمد اليدالي و الشيخ ولد مكين

يقول محمد اليدالي

هذ من طول العهـد لاش؟. .خلاني واحـل فاشبـاش

تخمام الملكَ عاد , واش؟!. .الحـزم ءُ لاهـو فـالـو

تطوال أخبارو ذاك بـاش. ..أحزانـو مـا يطـوالـو

يالشيخ ءُ طاري عاد يـم. ..فيـن يغـيـر أحـوالـو

ما ينكَالـو , مـا ينتهـم. ..عنهـم لاهـي ينكَالـو

الشيخ:

نعرف عن حد اليوم مالْ. ..عن تخمام ألّي بيه مـالْ

حزمو فالعهد إلى اطوال. ..تشواشو صايـب بالـو

فابلد ماهو من كَول كَال. ..ابّتـاتـو و اجمـالـو

و ابطيّارو لمـا انشـال ..شـورو بالعـزم أمّالـو

واكَلع وحشو منّو اكَبال. ..بعـد ألّ مكتوبـالـو

ءُ شنهو يم اطرَ فم شاع. .انكَول أنّـو باحوالـو

ما ينكَالو يغيـر كَـاع. .اشبيهـم مـا ينكَالـو؟

محمد اليدالي:

ريت الجواب الفيه حال. ..اكَبال اجوابو كان كَال

منّك وِصال ءُ كنت مال. ..من كَول ال غيرك حالو

ما يكفيني منشي اكَبال. ..منّـك نختيـر انّـالـو

حد ابطيّارو ماه كَـال.. ..و ابّتـاتـو واجمـالـو

انفعهم بعـد ألّا ابحـال. ..البعـد الّـي باميالـو

ول مكي:

وحشك لي بلّي من الكَول. ..اتكَول ءُ ترسل بيه هـول

و اصل الوصال الّي اتكَول.. .انّـك تختـيـر اتنـالـو

منّو و اخلّـي فارسـول. ..مفهـوم امبطّـي حالـو

ما كَطّعني من ذاك مـول. ..امجيـك ءُ لاهـو فالـو

تطوال أخبارو زاد طـول. ..لاه إطــوّل تـجـالـو

ءُ هون الهم الّـى منتشـي. ..بحوالـو مـا ينكَـالـو

معنَ ذاك أن ما هون شـي. .من شي ما هـك امثالـو

محمد اليدالي:

ملكَاك الفيه العـزم جـاد..==..منزاد ءُ لاه إعـود بـاد

ماهو بالبطو إلـى انـزاد..==..ذاك امـن الله ابحـالـو

و ابحال الحظ أللي امكَـاد. ..بغـنَ مـا هـي فتّالـو

راهو والحـال البيـن زاد. ..الجسم إيـج ِ و احوالـو

و الهيه ءُ هون افشي انجحد.. ..فيهـم لحـوال انكَالـو

ينكَالو مـرّه غيـر بعـد. ..مـن مـرّه مـا ينكَالـو